لوعاوز تغتت على بنت وترفع ضغطها?

العملية فى منتهى السهولة و سيتم عرضها من خلال عدة مواقف متتالية و ربنا يقدرنا على بنات حواء......


1- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!
4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على الرابع و نفضلها.......
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط.
6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!
(اللى مافهمهاش يسالنى)
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!
8- لو راكب عربية و عدت قدامك بنت فمن الجنتلة انك تيجى جنبها و تزمر على اخرك.....
9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دور وشك و نفضلها خالص و لا كانك شفتها قبل كده......
طبعا و شها هيبقى شبه الطمطماية لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق....
و فاجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....


10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)


11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!


12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!


13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!
14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال!!) وكانت لابسة فستان احمر و قاليتلك دلعنى....
قولها : يا فحم مولع..!!!


15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!


16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة!!!!!!!


17- لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانة

مستني ايه رووووووح احرق دم اي بنت....................ههههههههههههه

اى خو دعه اهوا كل يووم من ده

ملحوظة
الكلام دة مش لكل البات دول للرخمين فقط
لكن فية بنات زى الملايكة محدش يعرف يقول عليهم نصف كلمة

جميل جدا يا برنس إيه الحلاوه دى بالطريقه دى البنات كلها هيجيلها الضغط ومش الضغط بس دا هيجيلها السكر كمان وكده يبقى حرام تسلم ايدك يا عمر وبجد نورت المنتدى

أنا نفسى أعرف انتم نفسكم البنات يموتو ليه بس وإنت كمان يا محمد متفق معاهم وبتشاركهم كده أنا هزعل منك ولينا تصرف تانى أما نتكلم على الميل